Pixar xúnese con esti videu al proyéutu " It gets better " ( ameyora ); surdíu tras la oleada de suicidios de moz@s lgtb que nun podíen más col acoso que sofríen, quier day-yos apoyo con los videos de adultos gais que pudieron con too y anguaño son felices .
Como entá nun sé facer y pegar subtítulos, ocurrióseme dir traduciéndolo y ponelo aquí en texto. El vídeu tien subtítulos en castellán, pero préstame que esi mensaxe tea también n'asturianu ( aunque seya el míu!).
Voy tener que partilo en dos o tres.
http://www.youtube.com/watch?v=vUD05FjLceQ
Los emplegáos de Pixar tenemos un mensaxe per especial.
00:07 Hola, llámome Darla y soi productora equí nos estudios Pixar.
Pixar ta fecha d'una combinación lloca de xente, hai dellos cientícos llocos, y baillarin@s,animadores, y tou tipu de persones úniques, y la mayoría d'estes persones úniques nun
yeren los más conocíos nl istitutu . Asina ye la cosa.
Gracies a Dios,aguantamos, atopámonos, y creamos esta tribu familiar de xente, esti equipo ensin
precedentes que fai maxia del cine.
Y por eso, porque toos venimos del mesmu sitiu, queríemos compartir un mensaxe d'esperanza con toos vosotros.
00:44 Supe bien xoven que yera perdistinta.
00:48 Tenía pinta “ marimacho”, prestábame xugar con los guah.es, y prestábame xugar coles coses de guah.es.
00:51 Tenía l'andar equivocáu, l'habla equivocá, los intereses equivocáos... prestábenme los musicales...
00:55 Llevé la muñeca de la mi hermana a l'escuela.
00:59 Acuérdome de que nun sabía cómo facelo.
01:00 Yera capaz de caltener el ser gay n'un aparte.
01:08 Siempre sentí que si nun quería eso ( ser gai ) con bastante fuerza,quicíabes desapareciera.
01:14 To lo que podía facer yera eso, caltenelo oculto.
01:20 Un día tábamos cenando, yo taba de broma y fizi asina ( xestu cola mano ), y el mi hermanu dixo “ah chaval, eso ye muy gai”, y yo dixi “ no,no”, y los mios pas dixeron “ sí, ye bastante gai”.
01:32 Yo taba enfretá a l'idea de que diba meteme en problemes.
01:38 sentía que si yera llesbiana, mio pa nun diba queréme más.
01:42 Entós tenía que tomar una decisión: ser honrá pa con min mesma, o vivir una vida de mentires.
01:48 Nun podia nin ser yo mesma nin dexar ver tanto de min como yo quixere.
01:55 Hai una sensación d' invisibilidá cuando yes gai, porque nun quies destacar, nun quies que se note muncho. Toos nun son como Kurt el de “Glee”.
02:02 Toles mis amigues de la escuela católica ficieron secundaria n'un colexu católicu femeninu, pero mio ma nun me dexó dir al mesmu. Quería que fuere a un istitutu ( públicu) pa que tuviera amigOs.
02:13 Tengo pa mín q'el nome del xuegu yera “encaxar”.
02:16 Facíame l'duru, tenía un númberu montáu.
02:18 Cada vez que al campu o a la cancha, sentíame siempre apartá del equipu.
02:24 Toos nes fileres dicíen “ ¡¡ lesbiana!!” , “ ¡bollera!”, “ ¡ fuera del campo!”.
02:28 Acosábenme verbal y físicamente.
02:30 Llamábenme“ maricón” y empuxábenme.
02:34 Tresformose en daquello violento, non solo nel colexu, tamién fora.
02:38 Tenía munchu miéu y taba confundíu.
02:44 Tenía pa mín que ser llesbiana significaba tar sola, apartá, y vivir con miéu constante.
02:50 Llegó un puntu nel que tenía tanto miéu de too y de toos, que nun-y falaba a naide.
02:56 Y daba munchu miéu, y yera un sentir pertriste. Nun quería tar sola.
03:04 Nun sabía qué facer, nun sabía atopa-y sentíu al mundu.
03:09 Taba enllena d'odiu contra min mesma.
03:12 Entamé a pensar que si nun tuviera equí, naide diba echáme de menos,nun diba importá-y a naide.
03:19 Daquién impidióme saltar del teyáu la mio residencia (d'estudiantes ).
Anguaño toi-y peragradecía a esa persona, porque les coses ameyoraron muncho, y non l'hubiere sabido si non m'hubiera parao.
03: 32 Hubiera perdido tanto de la mio vida.
03:37 Hubiera perdido un futur enteru que yera auténticu, una forma de vivir auténtica.
